Жавхланг би нэг их сонсоод байдаггүй юм. Тэгсэн түрүүн нэг айлд очсон чинь оройжингоо Караокэ-даад, өөр дуу олдоогүй юм шиг ганцxан энэ л дууг шөнөжингөө давтаад дуулчихдаг юм даа.
Нэг аманд орчихоод гарч өгдөггүй ядаргаатаад байдаг даа, тэрэн шиг л ая нь ч тэр үг нь ч тэр сүүлийн хэдэн долоо хоног чихэнд хангинаад салдаггүй шүү.
Монголоор юу гэдэг юм бол санахгүй юм, чихэн дотор орчихоод гарч өгдөггүй арзага арзага гээд хангинаад байдаг богино настай иймэрхүү дуунуудыг германаар чихэнд орсон өт буюу OHRWURM хэмээвой.


Жавхлан - Хайрлаж болохгүй хайр

Зүсрэх бороотой анх дүрийг чинь харчихаад
Зүгээ мартан зүрхээ өгчихсөн байсан
Зөндөө зөндөө бодогдож явсан
Зөрж тааралдахгүй их удсан
     Хайрлаж болохгүй хайр уу
     Хагацаж болохгүй учирал уу
     Харуусаж мэдэхгүй нулимс уу
     Харамсаж болохгүй сэтгэл үү
Одтой шөнөөр анх дүрийг чинь зүүдэлчихээд
Онгодоо бадрааж уянгаар хөглөгдсөн байсан
Ориглуун хүслээр мөрөөдөж явсан
Олж уулзалгүй их л удсан
     Хайрлаж болохгүй хайр уу
     Хагацаж болохгүй учирал уу
     Харуусаж мэдэхгүй нулимс уу
     Харамсаж болохгүй сэтгэл үү
Хайрийн орчлонд анх чамдаа дуралчихаад
Хаачихаа мэдэхгүй сэтгэл алдарсан байсан
Хичнээн хичнээн бодогдож явсаар
Хэлж зүрхлэхгүй их л удсан
     Хайрлаж болохгүй хайр уу
     Хагацаж болохгүй учирал уу
     Харуусаж мэдэхгүй нулимс уу
     Харамсаж болохгүй сэтгэл үү