• 
• 

Саяны бүтэн сайнд цаг урагшилчихсан чинь санаа сэтгэл дагаад ч тэрүү нүд анилдаад байна чихшик.

За тэр яахав. Бага байхдаа Чейз гээд л крими цуврал номыг их уншдаг байж билээ. Элдэв янзын адармаатай гэмт хэргүүдийг хэрхэн яаж илрүүлж байгаа нь тухайн үедээ л содон, алуурчинг элдвээр дүрслэн ургуулан бодож энэ тэр уран зохиолын нэгэн сонирхолтой төрлийг өөртөө нээж билээ.

Түүнээс хойш нэг их крими уншихаа ч байж, элдэв крими кино ч сонирхохоо байгаад удчихжээ.

Гэтэл саяхан Германчууд 40 гарам гэмт хэрэгт холбогдсон, одоог хүртэл ул мөр байхгүй, нэгэн нууц "алуурчин"-г илрүүлсэн нь сонирхол татахгүй байхын арга үгүй.

Тэр "алуурчин"-г ямар ч байсан эмэгтэй хүн гэдгийг нь тэд тухайн гэмт хэрэг болсон газраас авсан ДНХ тестээс олж мэдсэнээс өөр мэдээлэл тэдэнд байсангүй.

Үүнээс үүдэн "Хайлбронны Хатагтай Фантомаз" буюу "Phantom von Heilbronn" ийг олж илрүүлэх гэж нилээн хэдэн жил болжээ.

Ард иргэдийн дунд нэгэн нууцлаг, зөвхөн Германд ч биш Европ даяар энд тэнд зугаалан, өөрийнхөө ДНХ гаа үлдээгээд өөр элдэв ул мөр үлдээдэггүй хачин жигтэй эмэгтэйн дүр зураг хэвлэл мэдээллээр цацагдан, хүмүүст элдвээр төсөөлөгдөх болж.

Гэвч энэ өндөр хөгжилтэй гэгдэх барууны орны ард иргэд хэтэрхий техник технологио шүтэн амьдардаг нь саяны гэмт хэрэгтэнийг илрүүлсэнээр батлагдлаа.

Уг ёсондоо тэр гэмт хэрэгтэн нь цуврал "аллага" хийгээд яваад байдаг нууц хатагтай бус зүгээр нэг энгийн үйлдвэрийн ажилчин эмэгтэй болхыг тогтоосныгоо тэд их амжилт үзүүллээ хэмээн хөөрцөглөж байна.

Чих ухагч үйлдвэрлэдэг Баваарын нэгэн үйлдвэрийн дамжлага дээр насаараа ажилладаг нэгэн эмэгтэй өөрийн дамжлага дээрээ тухайн чих ухагчуудыг анзааргагүйн үүднээс савлахаасаа өмнө бохир гар, элдэв зүйлээрээ барьсанаас үүдэн сүүлийн хэдэн жил үйлдвэрлэгдэн савлагдсан чих ухагч нарыг өөрийн ДНХ аар бохирдуулж байсан нь батлагдав.

Тухайн фирм нь зөвхөн Германд бус, Европ даяар өөрсдийн бараагаа экспортолдгийн үүднээс тухайн эмэгтэйн ДНХ газар сайгүй яваад байж.
Хаана гэмт хэрэг гарна, тэнд нь тэр эмэгтэйн ДНХ дагалдан байдаг байсан нууц ийм байжээ.

Би яагаа ч үгүй шд хэмээн гэмшингүй доошоо харан зогсох хижээл насны мариалагдуу авгай ийнхүү Европыг донсолгож байсан хатагтай Фантомаз байжээ.